Венгрияда премьер-министр сайлауы алдында қарсыластартың жақтастары митинг өткізді

Венгрия астанасы Будапештте парламенттік сайлау қарсаңында қазіргі премьер-министрдің жақтастары мен оппозиция өкілдері жаппай митингге шықты. Қолдаушыларынан қол жинаған қазіргі премьер-министр Виктор Орбан алдағы дауыс берудің маңызды екенін айтты. Ал оның басты қарсыласы – еуродепутат, оппозициялық TISZA партиясының жетекшісі Петер Мадьяр өз жақтастарымен бөлек митинг ұйымдастырды, деп хабарлайды Orda.kz DW сайтына сілтеме жасап. 

Митингтер Венгрияның ұлттық мерекесі – Венгрияның ұлттық күні (15 наурыз) аясында өтті. Ал елдегі парламенттік сайлау 12 сәуірге жоспарланған. Сарапшылар бұл сайлауды Орбан билігі үшін 2010 жылдан бергі ең үлкен саяси сынақтардың бірі деп бағалап отыр.

Парламент ғимараты алдында өткен «Бейбітшілік шеруінде» сөйлеген Орбан жақтастарын белсенді түрде дауыс беруге шақырды. Ол алдағы сайлауды «тарихи шешім» деп атады. Ол ФИДЕС – Венгрия азаматтық одағы партиясы 2022 жылғы нәтижеден де жоғары көрсеткішке жетуі тиіс екенін айтты.

«Бізге көбірек дауыс қажет», – деді ол. 

Сонымен қатар Орбан сайлауды «соғыс пен бейбітшіліктің арасындағы таңдау» деп сипаттап, қарсыластары Венгрияны Украинадағы соғысқа тартқысы келеді деп айыптады. Ол сондай-ақ елдің егемендігін қорғауға уәде беріп, сыртқы қысымға, соның ішінде Еуропалық одақ тарапынан жасалатын ықпалға қарсы тұратынын айтты.

Ал Петер Мадьяр қарсыласының науқанын «күлкілі насихат» деп атады.

Сондай-ақ ол премьер-министрді елдің еркіндігін шектеуге тырысты деп айыптап, «сайлауға араласу үшін ресейлік агенттерді шақырды» деген мәлімдеме жасады.

Журналистердің мәліметінше, Будапештте өткен екі митингке де ондаған мың адам жиналған. Сарапшылар алдағы сайлау Венгрияның саяси бағытына айтарлықтай әсер етуі мүмкін екенін атап өтуде.

Оқи отырыңыз:

• Биыл Наурыз мерекесі қалай атап өтіледі?
• Елена Рыбакина ресми түрде әлемнің екінші ракеткасы атанды
• Қаласақ, қызық үшін тағы бірнеше соққы жасай аламыз — Трамп