«Ұзаққа созылған сот ісі»: Әбіләзовтен сұхбат алған Думан 7 жылға сотталды

«Тыйым салынған ұйым ісіне араласу» және «экстремизмді қаржыландыру» айыптары тағылған Думан Мұхаммедкәрімге бүгін Қонаев қалалық соты 7 жылға бас бостандығынан айыру туралы үкім шығарды.

Бұл туралы Orda.kz хабарлады.

Думан Мұхаммедкәрім былтыр осы айыппен ұсталған болатын. 20 рет сот отырысы өтіп, бүгін 2 тамыз күні үкімі айтылды. 

Бүгін ол 405-баптың 2-бөлігі және 258-баптың 1-бөлігі бойынша айыптыдеп  танылып,  7 жыл бас бостандығынан айырылды.

Еске сала кетейік, оның бүгінгі сотына қатысты өткен баспасөз мәслихаты жайлы жазған болатынбыз. Онда Думан Мұхаммедкәрімнің қазіргі уақытта денсаулығы нашарлап, ауруханада жатқаны жайлы айтылған болатын.

Бұған дейін Orda.kz оның соты  жайлы жазды. Онда Думан Мұхаммедкәрім «сотқа сенім білдіресіз бе?» деген сұраққа: «Менде таңдау жоқ, сенсем де, сенбесем де сол! Менің үкімім баяғыда шығып қойған!» деп жауап берген болатын. 

Еске сала кетейік, жиырмасыншы сотына Orda.kz тілшісі қатысып, соңғы сөзі жайлы біліп қайтты. Ол соңғы сөзінде тағылған айыптарды мойындамайтынын айтты.