Ұшақ апаты: Әзірбайжан билігі қазақстандық құтқарушыларды марапаттады

Әзірбайжанның төтенше жағдайлар министрі Кәмаледдин Гейдаров AZAL әуе компаниясының ұшағы апатқа ұшырағаннан кейін құтқару жұмыстарына қатысқан Қазақстанның ТЖМ қызметкерлерін марапаттады, деп хабарлайды Orda.kz ӘЗЕРТАДЖ сайтына сілтеме жасап.

Бұған дейін Маңғыстау облысының тұрғындары ұшақ апатынан зардап шеккендерге алғашқы көмек көрсеткені үшін мемлекеттік наградалармен марапатталды. 

Еске сала кетсек, Тоқаев «арандатуға жол бермеу» жайлы және ұшақ апатына қатысты басқа да шұғыл тапсырмалар берген болатын.

Апат 25 желтоқсан күні болды. AZAL әуе компаниясының Бакуден Грозныйға бет алған Embraer ұшағы Қазақстанның Ақтау қаласы маңында құлады. 38 адам қаза тауып, 29 адам жарақат алды. Әзірбайжан халқы 26 желтоқсан күнін апат құрбандарын еске алу үшін қаралы күн деп жариялады.

Соңғы сапарға аттанған ұшақ жайлы толық ақпаратты тілшіміздің мақаласынан оқыңыздар.

Қазақстан апатқа ұшыраған ұшақтың жазба құрылғыларын («қара жәшіктер») Бразилияның авиациялық оқиғаларды зерттеу және алдын алу орталығына (CENIPA) жіберу туралы шешім шығарды.