«Ұлттық рухты асқақтатты»: Талдықорғанда 5000 адам жаңа рекорд орнатты

Талдықорғанда 5000 адам бір мезетте күй тартып, ұлттық рекорд орнатты, деп хабарлайды Orda.kz.

2025 жылдың 1 шілдесінде Ұлттық домбыра күніне орай Жетісу облысының орталығы Талдықорғанда ауқымды музыкалық шара өтіп, жаңа рекорд тіркелді.

Ақын әрі жыршы Бақтыбай Жолбарысұлының 190 жылдығына арналған мәдени шара аясында 5000 домбырашы бір мезетте екі күйді қатар орындады. Бақтыбайдың «Бақтыбайдың әуені» және Әбдімомын Желдібайдың «Ерке сылқым» туындысын әуелеткен күйшілердің бейнежазбасы әлеуметтік желіге тарап кетті.

Ұйымдастырушылардың айтуынша, бұл шара — қазақтың ұлттық мұрасы мен рухани құндылықтарын дәріптеуге, жастарды өнерге баулуға бағытталған.

Талдықорғанда өтіп жатқан мұндай игілікті іс шаралар аз емес. Дегенмен, мына деректі де еске сала кетейік. Жақында зорлық үшін сотталған Талдықорғандағы полиция басшысының әйелі күдікке ілінді.