Ұлдана Мырзуанның қазасына қатысты сот: Істі прокурорға қайтарудан бас тартты

Сотталушының қорғаушылары сотқа 2005 жылы үйді салған «Гражданстрой» ЖШС құрылыс компаниясының кінәсін көрсетуі мүмкін құрылыс-техникалық сараптаманың деректері мен тергеуге қатысты мәліметтерді ұсынды, деп хабарлайды Orda.kz.

Қылмыстық іс бастапқыда сапасыз құрылыс салу бабымен қозғалған. «Гражданстрой» ЖШС құрылтайшысы Мұса Гойгов 2022 жылы қайтыс болған, ал компания қайта рәсімделген оның ағасы Ислам Гойгов 2024 жылы қайғылы жағдайда қаза тапқан. Осыған байланысты құрылыс компаниясының басшылығына қатысты іс тоқтатылған.

Сотталушының адвокаттарының айтуынша, қабырғалардағы жарықтар мен бұзылулар 2017 жылдың өзінде-ақ тіркелген. Бұл Сәуле Жұбаниязованың 2025 жылғы мамырда қызметке тағайындалуынан әлдеқайда бұрын болған.

Олар Сәуле Жұбаниязованың үйді пайдалануға қабылдамағанын, инженерлік білімі жоқ екенін және бұрынғы басшылықтан құжаттарды тиісті қабылдау-тапсыру актісінсіз қызметіне кіріскенін атап өтті.

Қорғау істі прокурорға қайтару туралы өтінішін елеулі процессуалдық бұзушылықтардың болуымен негіздеді.

Судья Меруерт Абаева тараптардың уәждерін тыңдап, қорғау тарабының өтінішін қанағаттандырудан бас тартты. Сот отырысы жалпы тәртіппен жалғасып жатыр.

Оқи отырыңыз: 

• 12 рет пышақталып, қаза болған Дильназдың анасы күдіктінің жазасын қатаңдатуды сұрады
• Ұлдана Мырзуанның қазасы: Адвокат істі прокурорға қайтаруды сұрады