12 рет пышақталып, қаза болған Дильназдың анасы күдіктінің жазасын қатаңдатуды сұрады

Қайғылы оқиға 13 шілдеде Бородулиха ауылында болған. Түнде жігіт қыздың басынан бірнеше рет аяғымен теуіп, пышақ салған. Кейін оның денесін 32 метр жерге сүйреп апарған. Таңертең қыздың денесін жергілікті тұрғын тауып алған, деп хабарлайды Orda.kz.

Қаза тапқан қыздың анасы Динара Атаеваның айтуынша, пышақ жарақаттары қан тамырларын зақымдап, өкпесін тесіп кеткен.

«Мәйітханадан қызымды алып келгенде оның бетін де ашып көрсетпеді. Тіпті жүзін де көрсеткен жоқ, өйткені жағдайы өте мүшкіл болған. Сараптама кезінде де қасында болуға рұқсат бермеді. Мен оның бетін ашып, қарап қоймас үшін үнемі сақтық танытты», – деді марқұмның анасы.

Күдікті ұсталды. Ол 20 жаста. Дильназбен мектепте бірге оқыған. Анасының айтуынша, олар бұрын кездесіп жүрген, кейін араласуын тоқтатқан.

Қылмыстық іс ҚР Қылмыстық кодексінің 99-бабы – «Адам өлтіру» бойынша қозғалған. Тергеу аяқталған.

«Мен бұл қылмыс аса қатыгездікпен жасалды деп есептеймін. Сондықтан соттан оған 99-баптың бірінші емес, екінші бөлігін беруді талап етеміз», – деді марқұмның анасы.

Оқи отырыңыз: 

• «Ердоған қайтыс болды» деп материал жариялағаны түрік журналистері ұсталды
• Қазақстандық әпкелі-сіңлілі қыздар БАӘ-де қаза тапты: Отбасы олардың денелерін елге жеткізуге тырысып жатыр