ҰҚК Оңтүстік Кореяның 14 азаматын қолға түсірді

23 шілдеде Ұлттық қауіпсіздік комитеті халықаралық тергеу аясында Қазақстан аумағында Оңтүстік Кореяның 14 азаматын қолға түсірді, деп хабарлайды Orda.kz.        

Олар ұйымдасқан қылмыстық топ құрамында телекоммуникациялық жүйелер арқылы алаяқтық жасады деген күдікке ілінген.

Өз еліндегі құқық қорғау органдары бұл азаматтардың үстінен осы дерек бойынша қылмыстық іс қозғап, тергеп жатыр.

ҰҚК баспасөз қызметі мәліметінше, күдіктілердің тұрғылықты жерін тінту барысында заңсыз әрекеттерге қолданылған компьютерлер, ұялы телефондар мен ноутбуктер табылған.

Қазіргі уақытта ұсталған шетелдіктер тиісті құқықтық шараларды жүргізіп, кейіннен өз еліне депортациялау үшін уақытша ұстау изоляторына қамалды.

Оқи отырыңыз:

• LRT тамыздан бастап жаңа тарифке көшеді
• Қамшыбек Тәшиев мемлекеттік төңкеріс жасау әрекетіне қатысты апелляциялық шағым түсірді