ТЖМ қызметкерлері Есіл өзенін жүзіп өтпек болған адамды құтқарды

Оқиғадан кейін құтқарылған адам медициналық тексеруден өту үшін медицина қызметкерлеріне тапсырылды, деп хабарлайды Orda.kz.       

Астанада құтқарушылар Есіл өзеніне түскен ер адамды судан аман-есен алып шыққаны белгілі болды.

Төтенше жағдайлар министрлігі мәліметінше, Сарайшық ауданындағы «Арыс» көпірінің астында ер адам Есіл өзенін жүзіп өтпек болған. Алайда өздігінен жағаға шыға алмаған.

«Оқиға орнында кезекшілікте болған ТЖМ жедел-құтқару жасағы қызметкерлері жағдайға жедел әрекет етті. Құтқарушылар арнайы құтқару шеңбері көмегімен ер адамды судан алып шықты» деп жазылған хабарламада. 

Құтқарылған азамат 1985 жылы туған. Оқиғадан кейін ол әрі қарай медициналық тексеруден өту үшін медицина қызметкерлеріне тапсырылды.

Оқи отырыңыз:

• Ми-8 тікұшағы апаты: БҚО-да төрт адамның қазасына себеп болған іс сотқа жетті
• Елімізде «Шәмші Қалдаяқов» медалі болады