Түркістанда сотталушы қарауыл жасақты алдап қашып кетті

Түркістанда ұйымдасқан қылмыстық топ ісіне қатысы бар сотталушы ем қабылдап жүрген ауруханадан қашып кетті, деп хабарлайды Orda.kz.

Күзет қарауында болған азамат белгісіз бағытқа қашып, із-түзсіз жоғалған. Қазір бүкіл полиция қызметкерлері қашқынды жан-жақтан іздеп жатыр.

«Бақылау бекеттеріндегі тексеріс күшейтілді. Жедел-іздестіру шаралары жалғасып жатыр. Жағдай облыстық департамент басшылығының жеке бақылауында», – деп хабарлады Түркістан облысы полиция департаментінің баспасөз қызметі.

Кінәлі қызметкерлерге қатысты қатаң шара қолданылатыны айтылды.

Еске сала кетсек, Маңғыстаудағы теміржолшылар «қылмыс әлемінің серкелері қысым көрсеткенін» айтып мәлімдеме жасады.