Түркістан облысындағы жанармай бекетінде бензин таситын 10 тонналық көлік өртенді

Төтенше жағдай Отырар ауданына қарасты Шәуілдір ауылында болды. Алдын ала мәлімет бойынша, сыйымдылығы 10 тонна болатын жанармай таситын көлік жанар-жағармай құйып жатқан кезде өртенген, деп хабарлайды Orda.kz.

Төтенше жағдайлар министрлігінің мәліметінше, өрт жанармай құю бекеті аумағын түгелдей шарпыған. Бекетте әрқайсысының сыйымдылығы 25 тонна болатын төрт жанар-жағармай қоймасы орналасқан.

Сонымен қатар әкімшілік ғимараттың сыртқы қаптамасы 70 шаршы метр аумақта өртенген.

Оқиға орнына келген өрт сөндірушілер жалынды жедел түрде сөндірді. Зардап шеккендер жоқ.

Өрттің шығу себебі анықталып жатыр.

Оқи отырыңыз:

• Алматыда бағдаршамдар іске қосылып, метро жұмысын қайта бастады
• Дастан Сәтбаев жаңа маусымда «Бернли» сапында ойнайды