Дастан Сәтбаев жаңа маусымда «Бернли» сапында ойнайды

Қазақстан құрамасының шабуылшысы Дастан Сәтбаев 12 тамызда 18 жасқа толды. Осыған байланысты «Челси» лондондық клубқа алматылық «Қайраттан» ауысқанын ресми түрде жариялады, деп хабарлайды Orda.kz.       

Сонымен қатар ағылшын клубы Сәтбаевтың жаңа маусымда «Бернли» сапында жалға ойнайтынын бірден хабарлады. «Бернли» өткен маусым қорытындысы бойынша Англия Премьер-лигасынан түсіп қалып, енді ел чемпионатының екінші деңгейі Чемпионшипте өнер көрсетеді.

«Бернли» жаңа маусымдағы алғашқы матчын 16 тамызда өткізеді. Сәтбаевтың жаңа командасы өз алаңында лондондық «Вест Хэмді» қабылдайды.

Қазақстан футбол құрамасының шабуылшысы Дастан Сәтпаев «Челсиден» «Бернлиге»  ауысуына қатысты пікір білдірді.

«Бұл – тек бастамасы. Бұл мені күшейтетін жаңа тәжірибе. Алда бұдан да жақсы күндер күтіп тұр, иншалла! Алға, Қазақ елім!»  деп жазды футболшы. 

Еске салсақ,  Дастан Сәтбаев 18 жасқа толғаннан кейін «Челси» клубымен келісімшарты ресми түрде күшіне енгенін хабарладық.  Кейін оның фотосы Англия Премьер-лигасының ресми сайтына қосылды. 

Футболшының Премьер-лига базасында пайда болуы оның тіркелгенін растайды, алайда бұл оның маусым бойы негізгі құрамда ойнайтынына кепілдік бермейді. Трансферлік терезе 1 қыркүйекте жабылғанға дейін бапкерлер штабы жас шабуылшыны ойын тәжірибесін жинақтау үшін басқа клубқа жалға беруі де мүмкін екенін де айтқанбыз.

Оқи отырыңыз:

• Дастан Сәтбаевтың бейнесі АПЛ-дың ресми сайтына қосылды: Ол «Челсиде» қала ма?
• Ақ жол, Дастан! — «Қайрат» Сәтбаевты «Челсиге» шығарып салды