Түркістан облысында жол апатынан бір отбасының бес баласы қаза болды

Түркістан облысының Түлкібас ауданындағы Еңбекші ауылында жантүршігерлік жол-көлік оқиғасы болып, бір отбасының бес баласы қаза тапты. Тағы бір бала ауыр жарақатпен ауруханаға жеткізілді, деп хабарлайды Orda.kz.       

Алдын ала мәлімет бойынша, Volkswagen Polo автокөлігінің жүргізушісі рөлге ие бола алмай, жол жиегіндегі ағашқа соғылған. Соққының қатты болғаны соншалық, жеңіл көлік екіге бөлініп кеткен. 

Дәрігерлер ауыр жарақат алған баланы аман алып қалғанымен, оның жағдайы әлі де ауыр деп бағалануда. Науқасқа қажетті медициналық көмек көрсетіліп жатыр.

Полиция жол-көлік оқиғасына байланысты қылмыстық іс қозғағанын хабарлады. Қазір апаттың нақты себептері мен барлық мән-жайы анықталуда. Алдын ала болжам бойынша, жүргізуші көлік тізгінін басқара алмай қалған. 

Бұл қайғылы оқиға өңір тұрғындарының қабырғасын қайыстырып, әлеуметтік желі қолданушылары марқұмдардың жақындарына көңіл айтуда.

Оқи отырыңыз:

• Астанада полиция туралы ролик түсіріп, жариялаған блогер жазаланды
• Әкімшілік амнистия: 300 миллион теңгеге жуық айыппұл кешіріледі
• Паттайяда туристің шабаданынан 17 жастағы қыздың мәйіті табылды