Түрік сериалдарының жұлдызы Бурак Дениздің есірткі қолданғаны белгілі болды

Түрік сериалдарының жұлдызы Бурак Дениз есірткі қолданды деген күдікке ілінді, деп хабарлайды Orda.kz Yeniçağ басылымына сілтеме жасап. 

«Түн патшайымы», «Мүлде басқа» сериалдары арқылы танымал актердің ағзасынан есірткі заттары табылған. 

Басылымның жазуынша, Бурак Дениздің есірткіге тапсырған тесті оң нәтиже көрсеткен. Сондай-ақ оның әріптестерінің бірі, актриса Серра Пиринч те осындай нәтижеге ие болған. Анықталғандай, олар марихуана мен кокаин қолданған.

БАҚ мәліметінше, «Наша история» сериалының жұлдызы 9 сәуір күні шоу-бизнес өкілдерімен бірге есірткі қолдану және тарату күдігімен ұсталған. Тергеу жүргізіліп, түсініктеме алынғаннан кейін ол және басқа да ұсталғандар елден шықпау туралы қолхатпен босатылған. Сонымен қатар олар полицияда тұрақты түрде тіркеліп отыруға міндеттелген.

24СМИ дерегінше, Бурак Дениз 35 жаста. Ол кино саласындағы алғашқы рөлін 20 жасында бастаған.

Оқи отырыңыз: 

• Стамбұл әуежайында түрік актрисасы Ханде Эрчел ұсталды
• Сүлеймен сұлтанды сомдаған актер Халит Эргенч тергеуге алынды
• «Сұлтан Сүлеймен» телехикаясында басты рөлді сомдаған актер сотталды