Түнде ТЖМ көмегімен үш өрт ошағы ауыздықталды

Түнде ТЖМ құтқарушылары көмегімен Астанадағы өртенген сауна, Атыраудағы пәтер, Семейдегі автобус өрті дер кезінде сөндірілді деп хабарлайды Orda.kz ҚР ТЖМ баспасөз қызметіне сілтеп.   

Астана қаласы Сарайшық ауданы Бөлекбаев көшесі бойындағы төрт қабатты ғимараттың жертөле қабатында орналасқан саунаның бу бөлмесінде өрт шықты.    

ТЖМ күштерімен өрт оқшауланды. Өрт сөндірушілер келгенге дейін ғимараттан шамамен 150 адам өздігінен сыртқа шықты. Зардап шеккендер туралы ақпарат түскен жоқ.

Атырау қаласында құтқарушылар өрттен 40 адамды құтқарып, эвакуациялады. Атырау қаласы Авангард-4 ықшамауданында бес қабатты тұрғын үйдің бірінші қабатындағы пәтерлердің бірінде өрт шықты.

Оқиға орнына ТЖМ күштері жедел жетті. Автосатының көмегімен және баспалдақ маршы арқылы 10 адам, оның ішінде 2 бала құтқарылды. Сонымен қатар 30 адам, оның ішінде 10 бала эвакуацияланды. Өрт сөндірілді. Зардап шеккендер жоқ.

Семей қаласында өрт сөндірушілер автобустағы өртті сөндірді. Семей қаласында Каржаубайұлы көшесінде қозғалыс кезінде  автобуста өрт шықты. Оқиға орнына ТЖМ күштері жедел жетті. Өрт сөндірушілердің үйлесімді әрекеттерінің арқасында өрт қысқа мерзімде сөндірілді. Зардап шеккендер жоқ.

Құтқарушылардың жедел әрі үйлесімді әрекеттерінің арқасында аса ауыр салдардың алдын алу мүмкін болды.

Оқи отырыңыз:

• Алматыда аялдамада белгісіз адам зейнеткерді есінен танғанша ұрды
• Кентауды нөсер жаңбырдан кейін су басты
• Зеленский: Украина Таяу Шығыс елдерімен бірге ұшқышсыз ұшатын аппарат шығарады