Түнде Алматыда адам шошырлық көлік апаты болды, зардап шеккен үш адам ауруханада

Төрт көлік бір жолда соқтығысып, адамдар апатқа ұшырады, үш адам ауруханаға жатқызылды, деп хабарлайды Orda.kz.

Рысқұлов пен Сүйінбай көшелерінің қиылысында болған жол-көлік оқиғасы туралы kris _ p _ almaty _ official  арнасы хабарлады. 

Қалалық полиция департаментінің хабарлауынша, апат 00.25-те болған, Haval автокөлігінің жүргізушісі Рысқұлов көшесінің бойымен шығысқа қарай жүріп бара жатып Сейфуллин даңғылымен қиылысатын тұстан өте салысымен басқаруды жоғалтқан. 

Көрші қатарда Chery-мен соқтығысқан Haval қарсы жолға шығып, өз жолағымен батыс бағытта келе жатқан Audi және Hongqi сияқты екі көлікті қағып өтті.

Haval автокөлігінің жүргізушісі ауыр күйде жақын маңдағы ауруханаға жеткізілді, Audi жүргізушісі мен Hongqi жолаушысы облыстық ауруханаға жатқызылды.

Құқықтық статистика комитетінің мәліметінше, Қазақстанда орташа есеппен күн сайын жол апатынан  алты адам қайтыс болады.

Жыл басынан бері Қазақстанда 29 мыңнан астам көлік апаты болды.  Жылдамдықты арттыру салдарынан 406 адам, қарсы жолға шығу салдарынан 400 адам, тиісті емес жерден өту кезінде 67 адам қаза тапты. ЖКО-ның негізгі  өзгермей, қайталана беретін себептері: жылдамдықты арттыру, қарсы жолға шығу, мас болып көлік жүргізу және жолды рұқсат етілмеген жерден кесіп өту.

Шілде айында Алматының Боралдай көшесінде МАЗ маркалы кран, №10 маршруттағы автобус және бірнеше жеңіл көлік соғылып ірі жол апаты болып, 23 адам зардап шекті.