Жыл басынан бері Қазақстанда 29 мыңнан астам көлік апаты болды

ЖКО-ның негізгі  өзгермей, қайталана беретін себептері: жылдамдықты арттыру, қарсы жолға шығу, мас болып көлік жүргізу және жолды рұқсат етілмеген жерден кесіп өту, деп хабарлайды Orda.kz.

Жылдамдықты арттыру салдарынан 406 адам, қарсы жолға шығу салдарынан 400 адам, тиісті емес жерден өту кезінде 67 адам қаза тапты.

Бұл туралы ОКҚ-да өткен баспасөз конференциясында ҚР ІІМ Әкімшілік полиция комитеті төрағасының орынбасары Ғалым Сарғұлов мәлім етті. Ол апаттың тағы бір себебін атады, ол - көлік тәртібінің төмендігі.

«Жыл басынан бері полиция 12 млн-нан астам ЖҚЕ бұзушылықтың жолын кесті. 21 мыңнан астам мас жүргізуші ұсталды, 25 мыңнан астам жүргізуші құқығынан айырылды, 21 мың адам әкімшілік қамауға алынды, 401 мыңнан астам жаяу жүргіншіге айыппұл салынды», - деді Сарғұлов. 

Ол жолдарда тәртіпті сақтау үшін полиция барлық әдістерді қолданатынын айтты.

«Мобильді кешендерді пайдаланамыз. Қазір олардың 523-і қаруланған. Өткен жылдан бастап жасырын патрульдеу қолданылады. Дрондардың көмегімен қозғалысты бақылауға алдық. Олардың көмегімен төрт мыңнан астам құқық бұзушылық анықталды», - деп түсіндірді спикер. 

Спикер жол қозғалысы ережелерін қасақана бұзатындармен күресу үшін барлық сандық құралдар мен камералар TOR платформасына салынғанын қосты. Ол көліктің қозғалысын бақылауға, іздеудегі автомобильдерді (маркасы, моделі және түсі бойынша) және жол ережесін өрескел бұзатын жүргізушілерді табуға және шаршаған жүргізушілерді (сегіз сағаттан астам тоқтаусыз жүргендерді) бақылауға көмектеседі.

Сондай-ақ, журналистер жол-көлік оқиғаларының қанша пайызы жолдардың дұрыс болмауына байланысты екенін сұрады.

«ЖКО жол жағдайына байланысты болғанын анықтау үшін сот сараптамасы тағайындалады. Егер сараптама осы себептерді растаса, тиісті шешімді сот шығарады. Бірақ бүгінгі таңда республика бойынша осы себептен болған ЖКО саны әлі аз», - деп жауап берді ҚР ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова.

 Қараша айының басында Алматыдағы әл-Фараби даңғылында жеті автокөліктің қатысуымен болған жол-көлік оқиғасында бес адам зардап шекті.

Маусым айында Алматы-Бішкек тас жолында ірі апат болып, бес адам қаза тапты. 

Тротуарларға қалдырып кететін электр самокаттар нашар көретін адамдар үшін нағыз қауіп-қатерге айналды, олар жаяу жүргіншілерді әбден әбіржітіп, құлап қалып жарақат алу қаупін тудырып отыр.

Сондай-ақ, Маңғыстаудағы он адамның өмірін қиған жол апатынан зардап шеккендерді Астанаға барып ем алды.

Айта берсек статистика жаға ұстатады. Сондықтан көлік тізгіндегендер бұл тек жол полициясының жұмысы деп қарамай, өз жауапкершіліктерін де ұмытпағандары жөн.