Трамп Нетаньяхуға Иранмен соғыста жалғыз қалатынын ескертті

Дональд Трамп кеше Биньямин Нетаньяхуға егер жаңа соққылар кең ауқымды соғысқа ұласса, Израиль «Иранға қарсы жалғыз қалуы мүмкін» екенін ескертті, деп хабарлайды Orda.kz.       

Бұл туралы АҚШ президенті №12 телеарнасына Нетаньяхумен телефон арқылы не сөйлескенін түсіндіру барысында мәлімдеді.

Оның айтуынша, ол Нетаньяхудан зымырандық шабуылға жауап бермеуді сұрап, Израиль соққысының ауқымы қысқаратынына қол жеткізгенін мәлімдеді.

Трамптың сөзінше, оған АҚШ пен Иран арасындағы делдалдыққа қатысып отырған аймақ елдері тарапынан да қысым болған. Ол бес мемлекет Нетаньяхуға ықпал етіп, соққыларды тоқтатуға және келісімге келу мүмкіндігін сақтауға көмектесуді сұрағанын айтты.

«Мен оған не істеп жатқаныңа өте мұқият қара, өйткені жақын арада Иранға қарсы жалғыз қалуың мүмкін дедім» деп ағынан жарылды Трамп. 

№12 мәліметінше, әңгімеге куә болған адамдар Трамп Нетаньяхудан дипломатиялық әрекет үшін тағы бірнеше күн сұрап алғандай әсерде қалған.

Алайда кейін Израиль премьер-министрі күштік құрылым басшыларымен кеңес өткізіп, қайта байланысқа шығып, АҚШ мемлекеттік хатшысы Марко Рубиоға Иранға соққы жасау туралы шешім қабылдағанын хабарлаған.

«Израильдіктер бізді өте кеш кезеңде хабардар етті. Олар Иранға қарай жолда еді. Мен соққының ауқымын қысқартуға қол жеткіздім», – деді Трамп. 

Оқи отырыңыз:

• Трамп «соғыс ойынына» тоймай жатқанда АҚШ-та билікті ауыстыруға дайындық басталды
• Трамп пен Си Цзиньпин Бейжіңде келіссөз өткізді
• «Мені көздеген болуы мүмкін» — Трамп өзі қатысқан іс-шарадағы атыс туралы мәлімдеме жасады