Трамп хуситтердің Сауд Арабиясында теңіз блокадасын бастау туралы мәлімдемесіне жауап берді

АҚШ президенті Дональд Трамп йемендік хуситтердің Сауд Арабиясына қарсы теңіз блокадасын ұйымдастыру жөніндегі қоқан-лоққысына пікір білдірді, деп хабарлайды Orda.kz 

Мәлімдемеде бұл қадам «Сауд Арабиясының Йеменге қатысты жалғасып жатқан блокадасына» жауап ретінде жасалғанын  Fox News жазды. Сария Эр-Риядты порттар мен әуежайларды көп жыл бойы жабық ұстап, теңіз, құрлық және әуе бағыттары бойынша шектеу енгізді деп айыптады.

Трамп «Ансар Аллах» қозғалысы содырларының Қызыл теңізді бұғаттауға әрекет етуі мүмкін екенін жоққа шығармады, алайда мұндай жағдай әзірге болмағанын атап өтті және егер бұл жүзеге асса, АҚШ мәселені реттейтінін мәлімдеді.

«Көре жатармыз, не болатынын. Әзірге ондай болған жоқ. Болуы мүмкін, бірақ біз оны бақылауда ұстаймыз. Егер осындай жағдай туындаса, бәрін реттейміз», – деді Ақ үй басшысы Ливан президенті Жозеф Аунмен кездесу барысында журналистердің сұрақтарына жауап бере отырып. 

Бұған дейін йемендік хусит көтерілісшілерінің «Ансар Аллах» қозғалысының әскери өкілі Яхья Сария «көзге – көз» қағидаты бойынша Сауд Арабиясына қарсы теңіз блокадасын дереу бастайтынын мәлімдеген еді.

«Біз бұған дейін де хуситтерге қатысты осындай шаралар қабылдағанбыз», – деп қосты Трамп. 

Сондай-ақ мәлімдемеде хуситтердің жағдайдың кез келген даму нұсқасына дайын екені және Сауд Арабиясы тарапынан шиеленіс күшейген жағдайда қатаң жауап беру құқығын өздерінде қалдыратыны атап өтілген.

Өз кезегінде Сауд Арабиясы бастаған коалиция Баб-эль-Мандеб бұғазындағы кемелерге төнген қауіп-қатерге байланысты хуситтерге қатаң шара қолданатынын ескертті.

Бригадалық генерал Түрки әл-Мәликидің мәлімдеуінше, коалиция қолбасшылығы «Баб-эль-Мандеб бұғазы арқылы өтетін сауда кемелерін қорғау шараларын іске асыруды бастады» және «хуситтердің өтетін кемелерге қатысты қоқан-лоққыларына халықаралық құқықты өрескел бұзу әрі қарақшылық ретінде бағаланып, батыл әрі қатаң жауап беріледі».

Оқи отырыңыз:

• Трамп Ормуз бұғазындағы кемелерге ақы енгізу ұсынысынан айнып қалды
• Францияның бас бапкері Дидье Дешам кетті, орнына Зинедин Зидан келе ме?