Төсекке байлап қойып, үнемі ұрып-соққан: 26 жастағы ер адам туған қызын өлтірген

Павлодар облысы Тереңкөл ауданында 2025 жылдың қыркүйегінде болған қайғылы оқиға бойынша жаңа деректер жарияланды, деп хабарлайды Orda.kz.

Politico.kz. мәліметінше қылмысқа оның баланың өзінен емес деп күдіктенген себеп болған.
26 жастағы ер адам жұбайымен бірге екі бала тәрбиелеген, олардың үш жасар қызы және 2025 жылдың мамырында туған ұлы бар.

Алайда ол қызды өзінен емес деп күдіктеніп, әйелін опасыздыққа айыптаған. Осыдан кейін балаға жүйелі түрде зорлық-зомбылық көрсете бастаған. Прокуратура мәліметінше, ер адам қызын түнде шарфпен төсекке байлап қойып, үнемі ұрып-соққан. Бұл әрекеттер бірнеше ай бойы қаңтардан қыркүйекке дейін жалғасқан.

Қайғылы оқиға болған күні күдікті көршісінің моншасында ішімдік ішкен. Кешкі уақытта қызын алып келіп, оны бірнеше рет ұрған. Кейін қайтадан моншаға барып, ашу үстінде баланы көтеріп, бетон еденге лақтырып жіберген. Алған ауыр жарақат салдарынан қыз аудандық ауруханада көз жұмды. Дәрігерлер бауырының жыртылып, ішкі қан кеткенін тіркеген.

Қазіргі уақытта ер адамға «Азаптау» және «Адам өлтіру» баптары бойынша айып тағылып отыр. Оған өмір бойына бас бостандығынан айыру жазасы қаупі төніп тұр. Айыпталушы өз кінәсін мойындамаған.

Оқи отырыңыз:

• 12 күдікті ұсталды: Алматыда жасөспірімдер арасында төбелес болып, екі адам қаза тапты
• «Союз-5» зымыраны «Бәйтерек» кешенінен алғаш рет ұшырылды