12 күдікті ұсталды: Алматыда жасөспірімдер арасында төбелес болып, екі адам қаза тапты
Фото: ЖИ
Алматыда жасөспірімдер арасында жаппай төбелес болып, салдарынан екі адам көз жұмды. Оқиға бойынша 12 күдікті ұсталды, деп хабарлайды Orda.kz.
КТК телеарнасының мәліметінше Қайғылы жағдай түнгі уақытта компьютер клубының маңында болған. Қаза тапқандардың туыстарының айтуынша, жасөспірімдердің бірі досынан көмек сұрап, сөйлесуге шақырған.
Сол жерде шамамен 10 шақты жігіт жиналып, жанжал төбелеске ұласқан. Төбелес барысында олардың бірі қарсыласын жүрек тұсынан пышақтап жіберген. Мұны көрген екінші жасөспірім ашуланып, күдіктінің соңынан жүгірген, алайда кейін өзі де пышақ жарақатынан көз жұмған.
Туыстарының сөзінше, жанжал компьютер клубының ішінде басталып, кейін сыртта жалғасқан. Ауызша кикілжің бір сәтте жаппай төбелеске айналып, оның барысында суық қару қолданылған. Соның салдарынан екі кәмелетке толмаған жасөспірім ауыр жарақат алып, оқиға орнында қаза тапқан.
Алматы қалалық Полиция департаменті 12 күдіктінің ұсталғанын хабарлады. Олардың барлығы 17-18 жастағы жастар. Аталған дерек бойынша қылмыстық іс қозғалды. Полицияның ресми өкілі Салтанат Әзірбектің мәліметінше, дене жарақатын тікелей салған тұлғалар анықталып, қамауға алынған. Сонымен қатар, төбелеске қатысқан басқа да адамдардың әрекеттеріне құқықтық баға берілетін болады. Айта кетейік, ауыр қылмыстар үшін қылмыстық жауапкершілік 14 жастан басталады.
Оқи отырыңыз:
«Союз-5» зымыраны «Бәйтерек» кешенінен алғаш рет ұшырылды
Тоқаев қазақстандықтарды халықтың бірлігі күнімен құттықтады
Жаңалықтар
- 12 күдікті ұсталды: Алматыда жасөспірімдер арасында төбелес болып, екі адам қаза тапты
- «Союз-5» зымыраны «Бәйтерек» кешенінен алғаш рет ұшырылды
- Тоқаев қазақстандықтарды халықтың бірлігі күнімен құттықтады
- Енді жолдағы шұңқырлар мен жарықтарды дрондар анықтайды — Көлік министрлігі
- Қарағандыда жалған купюрамен сауда жасаған әйел ұсталды
- Тоқаев Ресейдің сыртқы істер министрі Лавровпен кездесті
- Тоқаевтың экс-кеңесшісін өлтірген адам 11 жылға сотталды
- Нұрай Серікбайдың өлімі: Сараптама айыпталушыны есі дұрыс деп таныды
- Алматыда елдегі алғашқы крематорий іске қосылды
- «Құман екеуіміз өмір бойы халық үшін еңбек еттік. Бізде кәсіп болмады»: Меруерт Өтекешева Баян Алагөзованың ұсынысына пікір білдірді
- Қаңғыбас иттер туралы даулы заң мәжіліске қайтарыла ма?
- Алматыда Zeekr көлігімен болған жол апатын тергеу екі аптада аяқталады
- Көлік сатамын деп алдаған: Алаяқтық жасаған күдікті Ресейден экстрадицияланды
- Қырғызстанда Қамшыбек Тәшиевке екі бап бойынша айып тағылды
- Парижге жаяу барған 76 жастағы қария «Құрметті спорт қызметкері» атағын алды
- Алматыда 81 жастағы зейнеткерді ұрлаған күдіктілер ұсталды
- Путин Жеңіс күні қарсаңында Украинамен уақытша бітімге келуі мүмкін
- Қазақстандықтардың қарызы 25 триллион теңгеден асты
- Қоғам қайраткері әрі дәрігер Бақыт Түменова қайтыс болды
- Қазақстан азаматы Берлин қаласында Ресей пайдасына тыңшылық жасады деген күдікпен ұсталды — Euronews
