Токиоға алғашқы қар жауды - жапондықтар үшін бұл ерекше құбылыс

Жапония астанасына қыстың алғашқы қары түсті - бұл олар үшін  сирек кезедесетін және қысқа мерзімді құбылыс, оны қала тұрғындары бірден бейнеге түсіріп, әлеуметтік желілерге сала бастады, деп хабарлайды Orda.kz.

Токиода қар жылына бір-екі рет, әдетте қаңтар немесе ақпан айларында жауады. Қар жауған кездің өзінде де ол сирек сақталады және тез еріп кетеді. Негізінен Жапонияның солтүстік өңірлерінде  қар мүлде жаумайды десе де болады.

Жапон астанасында қыс, әдетте, құрғақ және салқын, орташа температурасы +4 - 7 °C шамасында. Сондықтан мұнда қар  жауса – халқы қатты қуанады. Олар бұны ерекше құбылыс ретінде суретке, бейнеге түсіріп қатты қуанады және мұндай жағдайлардың әрқайсысы елеулі оқиғаға айналады.

Алғашқы қар бүршіктері түсе бастасымен пайдаланушылар қар басқан көшелер мен саябақтардың суреттері мен бейнелерін бөлісе бастады. Токио үшін сирек кездесетін қысқы кадрлар әлеуметтік желілерге тез тарады.

Токио үшін бұл қар жай ғана ауа райының бұзылуы емес, жыл сайын бола бермейтін қыс қуанышын сыйлайтын ерекше жағдай.

Айтпақшы, былтыр  Оңтүстік Африкада қар жауып, бірнеше тас жолда көлік қозғалысы тоқтап қалған еді. Сондай-ақ, 2023 жылдың жазында Оңтүстік Африкада соңғы 10 жылда алғаш рет қар жауған болатын.

2025 жылдың аяғында Сауд Арабия сахарасын қар басып, жұрты сасып қалды.  Елдің бірнеше өңірлерінде - солтүстік-батыста және елдің орталығында, оның ішінде таулы аймақ пен тіпті шөлді жерлерге де қар жауды.

Табиғат ана соңғы кезде осындай көп халықтың өмірі көрмеген құбылысын сыйлап тосын сый жасап жатыр.