Тоқаев «Таза Қазақстан» республикалық экологиялық акциясына қатысып, ағаш отырғызды

Мемлекет басшысы «Таза Қазақстан» республикалық экологиялық акциясына қатысты. Мемлекет басшысы Қасым-Жомарт Тоқаевтың бастамасымен елімізде «Таза Қазақстан» ауқымды республикалық экологиялық акциясы өтуде, деп хабарлайды Orda.kz.      

Бұл бастаманың мақсаты – еліміздегі экологиялық жағдайды жақсарту ғана емес, сонымен қатар азаматтардың экологиялық жауапкершілікті ойлауын қалыптастыру, сана мен ой тазалығын сақтау, отансүйгіштік, табиғатты аялау мәдениетін дамыту, сондай-ақ қоршаған ортаны қорғау мәселелеріне қоғамның қатысуын арттыру.

Елімізде жүріп жатқан экологиялық акция барған сайын қоғам өмірінің саналы бөлігіне айналып келеді. Аулаларын, көшелерін, саябақтарын таза ұстап, ағаш отырғызуға, сенбіліктерге және қоршаған орта мен өмір сапасын жақсартуға бағытталған басқа да іс-шараларға белсене қатысатын қазақстандықтар көбейіп келеді. 2025 жылы 10,4 млн-нан астам адам экологиялық акцияға қатысқан.

Қасым-Жомарт Тоқаев экобелсенділермен бірге елорданың «Самал» саябағында ағаш отырғызды. 

Акциягның мақсаты экологиялық жағдайды жақсарту, табиғатқа ұқыпты қарау мәдениетін қалыптастыру. Бұл 10 миллионнан астам адамды қамтитын, жыл бойы жалғасатын тұрақты жоба.

«Таза Қазақстан» республикалық экологиялық акциясы экологиялық мәдениетті қалыптастырудың кешенді тәсіліне бағытталған. Негізгі бағыттар арасында:

• халықтың экологиялық санасы мен тәртібін дамыту;
• экологиялық жауапкершілікке құрылған өмір салтына ынталандыру жүйесін құру;
• экологиялық ағартушылық және білім беру;
• экология мәселелерін ақпараттық тұрғыда кеңінен жариялау бар.

Акция аясында «Таза өлке»  (аулаларды тазалау), «Киелі мекен»  (ескерткіштерді абаттандыру), «Жасыл аймақ»  (ағаш егу) сияқты арнайы апталықтар ұйымдастырылады. Оған еріктілер, мектеп оқушылары, кәсіпорын қызметкерлері және жергілікті тұрғындар белсене қатысады.

Оқи отырыңыз:

• Президент БҰҰ-ның жоғары өкілдер тобымен кездесті, Оман премьер-министрі орынбасарын марапаттады
• Қасым-Жомарт Тоқаев Мұхтар Шахановтың қайтыс болуына байланысты көңіл айтты
• Тоқаев Моңғолия президентін «Алтын Қыран» орденімен марапаттады