Тоқаев Си Цзиньпинді жаңа жыл мерекесімен құттықтады

Қасым-Жомарт Тоқаев Си Цзиньпинді қытай күнтізбесі бойынша жаңа жыл – Чуньцзе мерекесімен құттықтады, деп хабарлайды Orda.kz.      

«Мызғымас достық пен кең ауқымды ықпалдастыққа негізделген көпқырлы қарым-қатынастарымыздың қарқынды дамып келе жатқаны қуантады. Осы игі іске қосқан Сіздің қомақты жеке үлесіңізді жоғары бағалаймын. Осындай тұрақсыз кезеңде елдеріміз арасындағы ынтымақтастықты нығайтудың маңыздылығы жөніндегі және халықаралық аренада өзара қолдау мен күш-жігерді үйлестіру арқылы ортақ мүдделерді қорғауға бағытталған берік ұстанымыңызды толық қолдаймын»  деп жазылған жеделхатта. 

Президент ҚХР Төрағасына жаһандық бастамаларды ілгерілету ісінде табыс, ал Қытай халқына амандық пен өркендеу тіледі.

Кеше Тоқаев UAE SWAT Challenge-2026 турнирі жеңімпаздарын марапаттады. Президент Қасым-Жомарт Тоқаев жеңімпаздарды шын жүректен құттықтап, олардың нағыз қазақ жауынгеріне тән рухты әлемге танытып, Қазақстанның абыройын асқақтатқанын ерекше атап өтті.

Оқи отырыңыз:

• Мемлекет басшысы кәсіби сумо балуаны Ерсін Балтағұлды қабылдап, ІІ дәрежелі «Барыс» орденімен марапаттады
• Тоқаев Александр Вучичті Сербияның Мемлекеттілік күнімен құттықтады
• Зеленский: Талап Украинаға ғана қойылады