Зеленский: Талап Украинаға ғана қойылады

Владимир Зеленский Мюнхен қауіпсіздік конференциясында қаңтар айында Ресейдің Украинаға қарсы шабуылдарда 6 мың дрон, 150-ден астам зымыран және 500-ден астам жоспарлаушы бомба қолданғанын еске салды, деп хабарлайды Orda.kz.      

Оның айтуынша, сондықтан ресейлік соққылардың жолын кесуге қабілетті әуе қорғаныс жүйесіне инвестиция салу, Украинаның Еуропамен және еуроатлантикалық одақпен бірлігін нығайту қажет.

«Біздің бірлігіміз — Ресейдің агрессивті жоспарларын тоқтататын ең тиімді тосқауыл», — деді Украина президенті. 

Зеленский соңғы айларда АҚШ-тың қатысуымен өтіп жатқан бейбіт реттеу жөніндегі келіссөздерге де пікір білдірді. Оның пікірінше, келіссөздер үстелінде Еуропаның болмауы — үлкен қателік.

Украина басшысы алдағы Женевадағы келіссөздер кезеңі сындарлы болады деген үміт білдірді. Алайда кей кездері тараптар мүлде әртүрлі мәселелер туралы сөйлесіп жатқандай әсер қалдыратынын айтты.

Сондай-ақ Зеленский ымыраға келу қажеттілігі сөз болғанда, көбіне талап Украинаға қойылатынын, ал Ресейге қатысты мұндай талап айтылмайтынын атап өтті.

Оқи отырыңыз:

• Зеленский әуе қорғанысы жүйесін түбегейлі өзгертуге кірісті
• АҚШ Украинадағы соғысты жазға дейін аяқтауды келіспек — Зеленский