Тоқаев «Өшпес полк» мәселесіне нүкте қойды

Президент Қасым-Жомарт Тоқаев Жеңіс шеруінде «Өшпес полк» мәселесіне нүкте қойды.  Ол Қазақстанда майдангерлерді еске алу акциясы ендігі жерде басқа атаумен өтетінін мәлімдеді, деп хабарлайды Orda.kz.

Бұл ретте «Өшпес полк» Жеңістің 80 жылдығына арналған «Батырларға тағзым» патриоттық акциясына ауыстырылады.

«Еліміз бойынша 500-ге жуық көшеге қазақстандық жауынгерлердің есімін беру туралы шешім қабылданды. Елімізде майдангерлерге арналған «Батырларға тағзым» шеруі өтеді. Адамзат тарихындағы ең қантөгісті соғысқа қатысқандардың ұрпақтары көшелерде олардың портреттерін алып жүреді. Бүгінде жаһандық саясатқа агрессия мен өшпенділік ұғымы кірген кезде, мемлекетіміздің барлық азаматтарына соғыс туралы барлық шындықты жеткізу өте маңызды. Шындықсыз бейбітшіліктің құнын білу мүмкін емес. Соғыс пен Жеңістің маңызы туралы тарихи шындықты бұрмалауға жол берілмейді», - деп атап өтті Мемлекет басшысы. 

Алматыда 9 мамырда «Батырларға тағзым» шеруі өтеді. Оны қалалық әкімдіктің қолдауымен ардагерлер бірлестіктері ұйымдастырады. Қатысушылар тізбегі Орталық парктен сағат 10: 15-те шығып, 28 гвардияшы-панфиловшылар паркіне дейін жүріп барады, ол жерде Мәңгілік алауға гүл шоқтарын қою рәсімі өтеді

Естеріңізге сала кетейік, биыл акцияны өткізу төңірегінде  жанжал туындады. Белгісіз адамдар шеруге қатысуға шақырған танымал тұлғалардың жалған ақпараттары мен дипфейктерін таратқан. Мессенджерлерде журналистердің, оның ішінде Orda.kz бас редактордың байланыстары бар хабарламалар жіберді. 

Биыл Жеңіс күні қарсаңында, интернетте белгілі журналистер мен шенеуніктер қазақстандықтарды 9 мамырдағы шеруге шығуға шақырған жалған бейнероликтер көбейді.

17 сәуірде әлеуметтік желілер мен мессенджерлерде Солтүстік Қазақстан облысының әкімі Ғауез Нұрмұхамбетов тұрғындарды  «Өшпес полк» акциясына қатысуға шақырған видео пайда болды.

 30 сәуірде Orda.kz редакциясы Алматы әкімдігіне акция өткізуге қатысты сауал жолдады, бірақ ол кезде жауап берілмеді. Кейіннен әкімдік жаңа форматта шеру өтетінін ресми түрде растады.

Ұйымдастырушылардың айтуынша, акция патриоттық сипатқа ие болады.