Тоқаев қазақстандықтарды халықтың бірлігі күнімен құттықтады

Қасым-Жомарт Тоқаев қазақстандықтарды Қазақстан халқының бірлігі күнімен құттықтады. Ол Қазақстан түрлі этнос өкілдерін біріктіріп, бір үлкен отбасыға айналғанын атап өтті,  деп хабарлайды Orda.kz.

Президент бұл мерекенің қоғамдағы негізгі құндылықтарды айқындайтын маңызды күн екенін атап өтті. Оның айтуынша, Бірлік күні халықтың ауызбіршілігі, өзара құрметі мен сыйластығы, отаншылдығы мен елге деген сүйіспеншілігін дәріптейді.

Тоқаев Қазақстанда түрлі этнос өкілдері бір шаңырақ астында тату-тәтті өмір сүріп жатқанын айтып, бұл ортақ жетістік екенін жеткізді.

«Бұл — біздің баға жетпес байлығымыз. Бейбітшілік, жанашырлық, өзара көмек дәстүрлері біртұтас халқымыздың ұлттық болмысының ажырамас бөлігі болып қала беруі маңызды. Біз әртүрліміз, бірақ біргеміз. «Әралуандықтағы бірлік» формуласы мемлекеттік саясаттың мәнін де, қазақстандықтардың күнделікті өмірін де дәл сипаттайды. Сондықтан жаңа Конституцияның преамбуласында бірлік, ынтымақ, ұлтаралық және конфессияаралық келісім қағидаттары нақты айқындалған», — делінген құттықтауда.

Президент қазақстандықтарға зор денсаулық, бақыт пен амандық тіледі.

Оқи отырыңыз:

Енді жолдағы шұңқырлар мен жарықтарды дрондар анықтайды — Көлік министрлігі

Алматыда елдегі алғашқы крематорий іске қосылды