Енді жолдағы шұңқырлар мен жарықтарды дрондар анықтайды — көлік министрлігі

Қазақстанда жолдарды тексеруге арналған жаңа ұшқышсыз құрылғы сынақтан өтті, деп хабарлайды Orda.kz. 

Бұл туралы көлік министрлігі мәлімет таратты. Лазермен жабдықталған дрон Ақмола – Воздвиженка – Талапкер бағытындағы облыстық маңызы бар тасжол учаскесінде тексерілді.

Оның негізгі міндеті — жолдағы шұңқырлар, жарықтар және басқа да ақауларды жылдам анықтау. Дрон жолдарды қолмен тексеретін мамандарға қарағанда әлдеқайда жылдам инспекция жүргізе алады.

Операторға оны үнемі басқарудың қажеті жоқ. Тек тексерілетін учаскені көрсету жеткілікті. Бұдан кейін дрон маршрутты өзі құрып, қажетті мәліметтерді жинайды. Ол кәдімгі бейне түсірілім жасай алады. 

Мұндай технологияларды енгізу жолдағы зақымдарды ерте анықтап, мәселе күрделенбей тұрып жөндеу жұмыстарын жедел жүргізуге мүмкіндік береді. 

Оқи отырыңыз:

• Қарағандыда жалған купюрамен сауда жасаған әйел ұсталды
• Тоқаев Ресейдің сыртқы істер министрі Лавровпен кездесті