Тоқаев қазақстандық IT-жобалар көрсеткішіне күмән келтірді

Үкіметтің кеңейтілген отырысында цифрлық даму министрі Жаслан Мәдиев еліміздің ЖИ саласындағы жетістіктері туралы есеп берді, деп хабарлайды Orda.kz. 

Оның айтуынша, қазақстандық екі жасанды интеллект моделін бүгінде 600 мыңға жуық адам пайдаланады. Салыстырмалы түрде алсақ, әлемге танымал ChatGPT-ді қазақстандықтардың 13 пайызы ғана қолданады екен. Бұдан бөлек, министр отандық Aitu мессенджерінің аудиториясы 700 мың адамға жеткенін мәлімдеді.

Алайда Қасым-Жомарт Тоқаев бұл мәлімдемеге күмәнмен қарап, келтірілген деректердің шынайылығын қайта тексеру қажетін ескертті.

Сонымен қатар, жиында Премьер-министр Олжас Бектенов еліміздің 2025 жылғы әлеуметтік-экономикалық даму көрсеткіштері мен Үкіметтің биылға арналған жоспары туралы баяндама жасады. 

Ұлттық банк төрағасы Тимур Сүлейменов ақша-несие саясаты және инфляцияны төмендету шаралары туралы есеп берді. 

Оқи отырыңыз:

• Еуропалық Одақтың бас дипломаты: Ресейді нақты ымыраға келуге мәжбүрлеу керек
• Қазақстанда алаяқтық жасады деген күдікті түрік азаматы Черногориядан экстрадицияланды