Тоқаев Израиль президентіне Alem.ai орталығын көрсетті

Кеше Қазақстанға ресми сапармен келген Израиль президенті Ицхак Герцог келген болатын. Бүгін Қазақстан мен Израиль президенттері Қасым-Жомарт Тоқаев және Ицхак Герцог Alem.ai халықаралық жасанды интеллект орталығына барды, деп хабарлайды Orda.kz Ақорда баспасөз қызметіне сілтеп.

«Қазақстан мен Израиль президенттері Alem.ai халықаралық жасанды интеллект орталығына барды. Қасым-Жомарт Тоқаев пен Ицхак Герцог Alem.ai орталығының жұмысымен танысты. Мұнда технологияларды дамытудың толық циклі қалыптасқан – дарынды жастарды ерте анықтау мен даярлаудан бастап, жасанды интеллект шешімдерін жаһандық деңгейде кеңейтуге дейін» деп жазылған хабарламада. 

Ицхак Герцогке Қазақстанның цифрлық трансформация саласындағы негізгі жетістіктері, соның ішінде жасанды интеллект технологияларын экономика мен әлеуметтік салаға енгізу нәтижелері таныстырылды.

Сонымен қатар мемлекет басшыларына Astana Smart City жобасы ұсынылды. Бұл – жаңа буындағы қалалық инфрақұрылымды қалыптастыруға бағытталған ауқымды бастама.

Оқи отырыңыз:

• Тоқаев ТМД елдерімен радиация бойынша дерек алмасу туралы заңға қол қойды
• Израиль президенті Ицхак Герцог Қазақстанға ресми сапармен келді
• Таяу Шығыс бойынша келіссөз өткізу алаңы ретінде Түркістан ұсынылды