Израиль президенті Ицхак Герцог Қазақстанға ресми сапармен келді

Ақордада елімізге ресми сапармен келген Израиль президенті Ицхак Герцогты салтанатты қарсы алу рәсімі өтті, деп хабарлайды Orda.kz.      

Президенттер бір біріне делегация мүшелерін таныстырғаннан кейін Құрмет қарауылының бастығы рапорт беріп, екі елдің әнұрандары орындалды. 

Қазақстанға ресми сапармен келген Израиль президенті Ицхак Герцогты қарсы алу рәсімі Ақордада өтті.

Іс-шара барысында мемлекет басшылары бір-біріне ресми делегациялардың мүшелерін таныстырды.

«Сіздің құрметті әкеңіз, Израиль мемлекетінің бұрынғы президенті Хаим Герцог біздің елдеріміз арасындағы қарым-қатынастардың негізін салушыларың бірі болғанын атап өткім келеді. 1992 жылдан бері біз өте тығыз, ерекше достық қатынастарды сақтап келеміз. Өзара ынтымақтастықта, ең алдымен экономика мен саясат салаларында айтарлықтай нәтижелерге қол жеткізілді»,— деді Тоқаев.

Сондай-ақ Тоқаев Қазақстан Авраам келісімдері-не қосылу туралы шешім қабылдағанын ерекше атап өтті.

«Бұл қадам Таяу Шығыс елдері мен Израиль арасындағы қатынастарды тұрақтандыруға үлес қосуға дайын екенімізді және ниетіміз бар екенін білдіреді. Бүгін біз екіжақты экономикалық байланыстарға қатысты көптеген мәселелерді талқылаймыз. Біздің өзара іс-қимылымыздың әлеуеті өте зор деп санаймын және оны толық пайдалану қажет»,— деп атап өтті Қасым-Жомарт Тоқаев. 

Израиль президенті Ицхак Герцог үшін Ақордада болу үлкен мәртебе екенін айтып, 1993 жылы Қазақстанға келген әкесі Хаим Герцогтің жолын жалғастырып отырғанын атап өтті.

«Қазақстанға келу – менің көптен бергі шынайы арманым еді. Сіздің еліңіздің табиғатының әсемдігі мен қазақ халқының бай мәдениеті туралы көп естідім. Менің құрамымда түрлі салалардың сарапшыларынан тұратын ауқымды делегация бар, олар әсіресе жоғары технологиялар саласында серіктестігімізге жаңа серпін береді. Әлем жаңа тарихи кезеңге қадам басып жатқан жағдайда, біздің ынтымақтастығымыздың әлеуеті шынымен де орасан зор», – деді Ицхак Герцог.

Израиль президенті сондай-ақ Қазақстанның Авраам келісімдері-не қосылу және Бейбітшілік кеңесінің жұмысына қатысу туралы шешімін құптады.

Естеріңізге сала кетейік, биылғы жылдың наурыз айында Қасым-Жомарт Тоқаев Ицхак Герцогпен телефон арқылы сөйлескен болатын. Сол кезде Израиль президенті Тоқаевты жалпыұлттық референдумның өтуімен және Қазақстан Республикасының жаңа Конституциясының қабылдануымен құттықтады.

Әңгімелесу барысында сауда-экономикалық және инвестициялық өзара іс-қимылды одан әрі кеңейтуге баса назар аудара отырып, елдер арасындағы ынтымақтастықты тереңдетудің қазіргі жағдайы мен перспективалары талқыланды.

Оқи отырыңыз:

• Тоқаев Нидерландтың ұлттық мерекесімен құттықтады
• Тоқаев Оңтүстік Африка халқын бостандық күнімен құттықтады
• Қасым-Жомарт Тоқаев қауіпсіздік шараларын күшейтуді тапсырды