Threads-та жаңа функция пайда болады

Threads-та «Dear Algo» («Құрметті алгоритм») атты функция пайда болады. Яғни, желі қолданушысы платформа алгоритміне тікелей жазып, лентада нені көбірек немесе азырақ көргісі келетінін айта алады, деп хабарлайды Orda.kz Meta компаниясына сілтеп. 

Meta мәліметінше, Threads-тағы Dear Algo атты жаңа функция жасанды интеллектке негізделген.

Threads-тағы ашық жазбада «Dear Algо» деп, одан кейін нені көбірек немесе азырақ көргіңіз келетінін жазу керек. Мысалы, егер танымал подкастар туралы көбірек контент көргіңіз келсе, «Dear Algo, маған подкастар туралы жазбаларды көбірек көрсет» деп тапсырма бересіз. 

Dear Algo желі қолданушыларының өтініші бойынша лентаны үш күн бойы соған сәйкес реттейді. 

Бірақ Dear Algo-ны қазақстандық желі қолданушылары қарізге пайдалана алмайды. Функция АҚШ-та, Жаңа Зеландияда, Австралияда және Ұлыбританияда қолжетімді. Жақын арада оны басқа елдерде де іске қосу жоспарлануда. 

Threads — Meta компаниясы іске қосқан әлеуметтік желі. Ол Instagram-ның «мәтіндік нұсқасы» әрі Twitter (қазіргі X) платформасына балама ретінде жасалған. Платформа қысқа жазбаларға, қарапайым интерфейске және Instagram аккаунттарымен біріктірілуге басымдық береді. Осы интеграцияның арқасында Threads-қа қысқа уақыт ішінде 100 миллионнан астам қолданушы тіркелді.

Threads Қазақстанда ресми түрде 2023 жылдың шілдесінде қолжетімді. Платформа тез арада танылып, күнделікті өмірге қатысты жазбалар алаңына айналды.

Оқи отырыңыз:

• Украиналық скелетоншы Олимпиададан шеттетілді
• Ресейде бірден бірнеше ірі платформалар бұғатталды
• Қазақстандықтар былтыр тоннадан аса алтын сатып алған