Тергеу басталды: Маңғыстау облысында дәрігерлер соқырішек диагнозын қоя алмай, жасөспірімді өлтіріп алды

09 тамыз 2026 10:12 Ләззат Нұрсапақызы

Фото: Анасы Жұлдыз Азанова берді

13 жастағы балаға дәрігерлер дер кезінде соқырішек диагнозын қоя алмай, жасөспірім қайтыс болды. Оқиғадан соң Денсаулық сақтау министрлігі Ақтауда жасөспірім ем алған медициналық мекемеге жоспардан тыс тексеріс жүргізді, деп хабарлайды Orda.kz.

Нәтижесінде баланы бірнеше рет ауруханаға жатқызудан бас тартылғаны анықталды. Аталған факт бойынша қылмыстық іс қозғалып, материалдар сотқа жолданды.

Бұл туралы Денсаулық сақтау министрі Ақмарал Әлназарова әлеуметтік желіде жазып, жағдайдың өз бақылауында екенін айтты.

Министрдің айтуынша, тексеріс барысында бірқатар өрескел заңбұзушылықтар анықталған.

«Маңғыстау облыстық көпбейінді балалар ауруханасы мен Ақтау қалалық №2 емханасында медициналық көмек ұйымдастыру және көрсету барысында өрескел бұзушылықтар анықталды. Тексеру қорытындысы бойынша облыстық балалар ауруханасының директоры қызметінен босатылды» деп жазды Әлназарова.

Прокуратура медициналық көмек көрсетпеу фактісі бойынша қылмыстық іс қозғады. Сотқа дейінгі тергеу аяқталып, іс сотқа берілді.

«Астанада қаза болған баланың анасын жеке қабылдаймын. Бұл – отбасы үшін орны толмас қайғы. Кінәлілер әділ жазасын алады» деп сендірді министр.

Марқұм баланың анасы, Ақтау тұрғыны Жұлдыз Азанова өңірдегі денсаулық сақтау жүйесіндегі мәселелерге назар аударту және кінәлілерді жазалау үшін жалғыз пикет өткізетінін мәлімдеген болатын. Кейін ол Ақмарал Әлназаровамен жеке кездескісі келетінін де хабарлады.

Оған дейін Ақтау қаласының тұрғыны Жұлдыз Азанова Orda.kz редакциясына жүгініп, 13 жастағы ұлы Исмаил Азановтың өліміне қатысты істің әділ тергелуіне көмек сұраған болатын. Ол баласы дәрігерлердің салғырттығы мен соқырішек диагнозының дер кезінде қойылмауы салдарынан көз жұмғанын тілшімізге айтып берген еді.

Оқи отырыңыз:

жасөспірім қазасы маңғыстау

Жаңалықтар

барлық жаңалықтар