Таразда көңілдесі қызғаныштан әйелді тұншықтырып өлтірді

Қылмыстық іс материалдарына сәйкес, ер адам сүйіктісімен және оның танысымен бірге демалған, олар ішімдік ішкен. Қонақ кеткен соң, ер адам мен әйел екеуі ғана қалған, деп хабарлайды Orda.kz.

Жақындық кезінде әйелдің телефонына белгісіз адам қоңырау шалған. Ол қоңырау шалған адамның күйеуі екенін айтқан. Мұны естіген ер адам қызғанышқа бой алдырып, ашуға мініп, әйелді тұншықтырған, әйел сол жерде қайтыс болған.

Оқиғадан кейін ер адам құны 15 мың теңге тұратын оның ұялы телефонын алып, пәтерден шығып кеткен. Кешке дейін ол қала ішінде мақсатсыз жүрген. Кейін саябақтардың бірінде полиция қызметкерлеріне барып айтқан. Ол көрсеткен мекенжай бойынша полицейлер әйелдің денесін тапқан.

Кейін сот ер адамды адам өлтіріп, ұрлық жасағаны үшін кінәлі деп таныды. Қылмыстық құқық бұзушылық бойынша оған аса қауіпсіз мекемеде жазасын өтеу арқылы 13 жыл бас бостандығынан айыру жазасы тағайындалды.

Сонымен қатар, оның әрекетінен адамға қауіпті мінез-құлық анықталған. Сот ер адамның психобелсенді заттарды қолданғанына байланысты мәжбүрлі ем қабылдауды да міндеттеді.

Оқи отырыңыз: 

• 10 тамыз – Абай күні: Ақын бір қыста 12 қылмыстық іс бойынша тексерілгенін білген бе едіңіз?
• Сайлау кезіндегі дипфейк: Саяси партия өкілдерінің бейнелері заңсыз пайдаланылып жатыр