Тамызда Қазақстанның кей өңірлерінде қар жаууы мүмкін

Қазақстанның шығыс және оңтүстік-шығысындағы таулы аймақтарда 26–27 тамызға қараған түні жаңбырдың соңы қарға ұласуы ықтимал, деп хабарлайды Orda.kz.

«Қазгидромет» мәліметінше, еліміздің солтүстік және шығыс облыстарына циклон мен онымен байланысты атмосфералық фронттар әсер етеді. Соның салдарынан ауа райы тұрақсыз болады.

Кей жерлерде қатты жаңбыр, бұршақ және дауылды жел соғып, найзағай күтілуде. Шығыс және оңтүстік-шығыс өңірлердің таулы аймақтарында 26–27 тамызға қараған түнде жаңбыр жауып, арты сулы қарға айналуы ықтимал.

Ал Қазақстанның батысы мен оңтүстігінде атмосфералық қысым жоғары болғандықтан, негізінен жауын-шашынсыз, құрғақ ауа райы сақталады. Жауын-шашынға қарамастан, елдің басым бөлігінде ауа температурасы жоғары болады. Жаздың соңғы күндері жылы өтеді.

Солтүстікте күндіз ауа температурасы +25...+32°C, орталық және оңтүстік өңірлерде +25...+35°C аралығында болады. Шығыста ауа температурасы біртіндеп жоғарылап, +16...+24°C-тан +20...+31°C-қа дейін көтеріледі.

Оқи отырыңыз:

Жаңа оқу жылы: Қазақстанда қандай өзгерістер болады?

Леңгірде бетперде киген адамдар үйге кіріп, әйелді бірнеше сағат бойы ұстаған