Леңгірде бетперде киген адамдар үйге кіріп, әйелді бірнеше сағат бойы ұстаған

Түркістан облысының Леңгір қаласында бірнеше адам түнде тұрғын үйге кіріп, әйелді байлап, бірнеше сағат бойы көкала қойдай қылып ұрып-соққан, деп хабарлайды Orda.kz.

Оқиға түнгі сағат 02:00 шамасында болған. Оның сөзінше, бетперде таққан бірнеше адам үйге кіріп, әйелді байлап тастаған. Зардап шеккен тұрғын таңғы сағат 05:00-ге дейін олардың қолында болған. Осы уақыт аралығында олар әйелді ұрып-соғып артынша оқиға орнынан кетіп қалған.

Әлеуметтік желіде тараған видеода әйелдің беті ісіп, денесінде жарақат іздері мен қан көрінеді. Алайда кадрларда шабуылдың өзі емес, оның салдары көрсетілген.

Түркістан облысы полиция департаментінің мәліметінше, оқиғаға қатысты қылмыстық іс қозғалған.

«Алдын ала мәлімет бойынша, түнгі уақытта белгісіз адамдар тұрғын үйге кіріп, жәбірленушіге дене жарақатын салған және оның ұялы телефонын алып кеткен. Қазіргі уақытта әйелдің жағдайы тұрақты, денсаулығына қауіп төніп тұрған жоқ», деп хабарлады полиция департаменті баспасөз қызметі.

Полиция күдіктілерді тез арада анықтап, ұстауға бағытталған жедел-іздестіру және тергеу шараларын жүргізіп жатыр. Істің тергелуі Түркістан облысы полиция департаменті басшылығының бақылауында. Қылмыстық-процестік кодекстің 201-бабына сәйкес, тергеу барысына қатысты өзге ақпарат жарияланбайды.

Оқи отырыңыз:

Жаңа оқу жылы: Қазақстанда қандай өзгерістер болады?

«Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?