Тамыз айында еліміздің ауа райы қандай болады?

Қазақстанда жаздың соңғы айы — тамыз ыстық әрі құбылмалы болмақ. Синоптиктердің болжамына сәйкес, елдің батысы мен оңтүстігінде аптап ыстық сақталса, солтүстік өңірлерде жаңбыр мен найзағай жиі болады, деп хабарлайды Orda.kz.       

 
Айдың басында ауа райы құбылмалы болады. Қазгидромет мәліметінше, тамыздың алғашқы онкүндігінде ел аумағының басым бөлігінде тұрақсыз ауа райы күтіледі.

Белсенді солтүстік-батыс циклондар әсерінен нөсер жаңбыр жауады, найзағай ойнайды,
екпінді жел соғады, кей жерлерде бұршақ түсуі мүмкін.

Қатты жауын-шашын әсіресе солтүстікте, орталықта, шығыста көп болады. Ал онкүндіктің ортасында жауын-шашын оңтүстік-шығыстың таулы және тау бөктері аймақтарына ауысады.
Батыс пен орталық өңірлерде бұл кезеңнің ортасына қарай жауын уақытша тоқтайды.

 Алғашқы онкүндікте ауа температурасы өңірлер бойынша әртүрлі болады:

• Батыс және солтүстік-батыс: +34…+39°C,
• Маңғыстау облысы: +39…+44°C (ең жоғары көрсеткіш),
• Атырау облысының оңтүстігі: +41°C дейін,
• Солтүстік және Қостанай өңірі: +20…+28°C, кейін +30…+38°C,
• Оңтүстік: +39…+44°C-тан +29…+36°C-қа төмендейді,
• Орталық және шығыс: +33…+41°C-тан +22…+31°C-қа дейін,
• Оңтүстік-шығыс: +34…+39°C-тан +27…+35°C-қа дейін,
• Жамбыл облысы: +42°C дейін.
   

Айдың ортасы мен соңында, яғни екінші және үшінші онкүндіктерде Солтүстік өңірлерде түнде +3…+8°C → +10…+18°C, күндіз: +17…+25°C → +25…+35°C.

Батыс және оңтүстік өңірлерде түнде: +17…+27°C → +13…+18°C, күндіз: +32…+42°C → +25…+35°C.
 
Қазгидромет бұл болжам алдын ала екенін және өзгеруі мүмкін екенін атап өтті.

Сарапшылардың айтуынша, жаһандық жылыну мен Эль-Ниньо әсерінің күшеюі 2026 жылдың екінші жартысында ауа температурасының одан әрі көтерілуіне және экстремалды ауа райы құбылыстарының жиілеуі мүмкін.

Сонымен тамыз айы Қазақстанның басым бөлігінде әдеттегіден ыстығырақ болады. Орташа температура нормадан шамамен 1–2 градусқа жоғары болуы мүмкін.

Оқи отырыңыз:

• +42 градусқа дейін: Алматы аптап ыстықпен аэрация арқылы күресіп жатыр
• Алматының шыжыған ыстығы 50 жыл бұрын тіркелген температура рекордын жаңартты
• Еуропадағы аптап ыстық 10 мыңнан астам адамның өмірін жалмады