+42 градусқа дейін: Алматы аптап ыстықпен аэрация арқылы күресіп жатыр
Фото: Алматы әкімдігі
Алматыда 20 шілдеге дейін сақталуы мүмкін аптап ыстыққа байланысты көшелерді суару және ауаны аэрациялау жұмыстары күшейтілді. Бұл туралы Orda.kz Алматы қаласы әкімдігіне сілтеме жасап хабарлады.
Қаланың коммуналдық инфрақұрылым басқармасы мен тұрғын үй инспекциясы Instagram желісінде әкімдікпен бірлескен жазба жариялап, мамандар мегаполис көшелерін аптап ыстық кезінде қалай салқындататынын бейнежазба арқылы көрсетті.
Мәліметке сәйкес, Қазгидромет деректері бойынша 16–20 шілде аралығында қалада ауа температурасы кей жерлерде +42 градусқа дейін жетуі мүмкін.
«Биылғы маусымда алғаш рет ауа температурасы +40 градустан асады. Осыған байланысты қалада көше-жол желісін салқындату шаралары күшейтілді. Ең ыстық уақытта 128 көшеде 16 арнайы техника тізбегі жұмыс істеп, суару және ауаны аэрациялау жұмыстарын жүргізеді. Бұл асфальттың қызып кетуін азайтып, шаңды басуға және қала аумағындағы температуралық жүктемені жеңілдетуге мүмкіндік береді» деп жазылған хабарламада.
Сонымен қатар күн сайын жолдар, тротуарлар, аялдамалар және басқа да қалалық инфрақұрылым нысандары осылай салқындатылып жатыр.
Біз бұған дейін Алматының шыжыған ыстығы 50 жыл бұрын тіркелген температура рекордын жаңартқанын жаздық. Алматыда 16 шілде күні жаңа температуралық рекорд тіркелді. Ауа температурасы +38 градусқа дейін көтеріліп, 1976 жылғы ең жоғары көрсеткіштен асты.
Сонымен қатар Алматыда шілденің алғашқы екі аптасында тұрғындар жедел жәрдемді 33 мыңнан астам рет шақырған. Қоғамдық денсаулық сақтау басқармасының мәліметінше, биылғы шыжғырған ыстыққа байланысты қала тұрғындары шұғыл медициналық көмекке жиі жүгінетін болған. Дәрігерлердің айтуынша, жоғары температура әсіресе қарт адамдар, балалар, жүкті әйелдер және созылмалы аурулары бар азаматтар үшін қауіпті.
«Қазгидромет» болжамына сәйкес, елдің тоғыз облысында жауын-шашын тапшылығы күтіледі. Атап айтқанда, Павлодар, Қарағанды, Шығыс Қазақстан, Абай, Алматы, Жамбыл, Түркістан, Қызылорда және Жетісу облыстарының жекелеген аудандары қауіп аймағында тұр.
Оған қоса, жағдайды қатты ыстық одан әрі күрделендіреді.
Оқи отырыңыз:
Жаңалықтар
- +42 градусқа дейін: Алматы аптап ыстықпен аэрация арқылы күресіп жатыр
- Бір түнде 14 рет: Мексика жағалауында 7,4 балдық күшті жер сілкінісі болды
- Сарыағашта арнайы есепке ілінген жүздеген адам жүргізуші куәлігінен айырылды
- Астананың бір көшесі жыл соңына дейін жабық болады
- «Ежелгі дәуірден бүгінге дейін»: Ел тарихын баяндайтын жеті томдық академиялық еңбек дайын
- Air Astana-дағы миллиардтық ұрлық: Апелляция үкімді өзгертпеді
- Көбейтұз көлі ерекше қорғалатын аумақтар қатарына қосылады
- Қытайда тау беткейі опырылып, сегіз адам қаза тапты
- Жыл соңына дейін теңізге 1,2 миллиард текше метр су құйылады: Арал қалпына келе ме?
- Иран Таяу Шығыстағы АҚШ-тың радарлары мен ұшақтарына соққы жасады
- 19 шілдеден бастап Қазақстанда бірыңғай QR-код іске қосылады
- «Қайрат» клубы мәлімдеме жасады: Канье Уэсттің концерті келісілмеген
- Не себепті Қазақстан банктері зейнеткерлерге несие беру рәсімін күрделендірді?
- Тоқаев Дүниежүзілік жасанды интеллект конференциясына қатысып, сөз сөйледі
- Есет Байкен Ұлытау облысына әкім болып тағайындалды
- Дастан Рыспеков Ұлытау облысы әкімі қызметінен кетті
- Алматының шыжыған ыстығы 50 жыл бұрын тіркелген температура рекордын жаңартты
- Ақтөбе облысында есірткі сатты деген күдікпен екі полицей ұсталды
- Бұрынғы энергетика министрі Атырау облысының әкімі болып тағайындалды
- Серік Шәпкенов Атырау облысы әкімі қызметінен босатылды
