Таяу Шығыстағы шиеленіс: Қазақстан Иранмен бірлескен жобаларын уақытша тоқтатты

Бұл туралы Сенаттағы брифингте сыртқы істер министрінің орынбасары Арман Исетов мәлімдеді. Оның айтуынша, елдің әскери жағдайға байланысты көптеген жобалар тоқтатылған, деп хабарлайды  Orda.kz.       

Олардың қатарында астық жеткізу және азық-түлікпен өзара сауда жобалары бар.

«Осыған байланысты, менің ойымша, қазіргі таңда біздің бизнес пен кәсіпкерлер күту режимінде тұр… Қазақстан үлкен шығынға ұшырап отырған жоқ, өйткені жобалардың көлемі ел экономикасына айтарлықтай әсер ететіндей деңгейде болған жоқ. Дегенмен, Иранмен әріптестік қарым-қатынасымыз жақсы болғандықтан, белгілі бір әсері бар» ,— деді спикер.

Сонымен қатар, Исетов Иранмен ынтымақтастық көлемі ел экономикасы үшін аса маңызды болмағандықтан, Қазақстан елеулі экономикалық шығынға ұшырамайтынын атап өтті. Қазақстанның Иранмен бірлеске жобалары Таяу Шығыстағы әскери іс-қимылдарға байланысты уақытша тоқтатылды.

Еске салсақ, Қазақстанның Ирандағы елшілігі 1993 жылдан бері жұмыс істейді. 2007 жылдың қазан айында Горган қаласында Қазақстан Республикасының Бас консулдығы ашылды. 2018 жылдың қазан айында Бендер-Аббас қаласында консулдық жұмыс істей бастады. 

Иранның Қазақстандағы елшілігі 1992 жылдан бері жұмыс істейді. Иранның бас консулдықтары Ақтауда 2009 жылғы қазанда және Алматыда 2012 жылғы тамызда ашылды.

Оқи отырыңыз:

• Иран АҚШ-тың блокадасына жауап ретінде Қызыл теңіз бен Парсы шығанағын жабатынын мәлімдеді
• Иранның Ормуз бұғазын аша алмау «себебі» белгілі болды
• Иран АҚШ-тың қарулы соғысына «логистикалық соғыспен» жауап беріп, стратегиялық тығырыққа тіреді