Иранның Ормуз бұғазын аша алмау «себебі» белгілі болды

Иран Ормуз бұғазындағы барлық миналарды залалсыздандыра алмай отыр, деп хабарлайды Orda.kz АҚШ басылымына сілтеме жасап.

Иран Ормуз бұғазын толық аша алмай отыр, себебі шығанақ акваториясында орнатылған барлық миналарды табу және залалсыздандыру мүмкін емес деп жазды The New York Times америкалық шенеуніктерге сілтеме жасап хабарлады.

Олардың айтуынша, дәл осы жағдай жақын арада Пәкістанда өткен АҚШ пен Иран арасындағы келіссөздерді қиындатып жіберген. Болжам бойынша, Иран барлық миналардың нақты орналасуын тіркемеген болуы мүмкін, ал кейбірі ағыс бойымен жылжып кеткен. 

Дереккөздер теңіз миналарын залалсыздандыру оларды қоюдан әлдеқайда қиын екенін атап өтті. Сондай-ақ АҚШ-та тиімді минасыздандыру құралдары жеткіліксіз екені айтылған.

Басылым мәліметінше, Иран стратегиялық бұғазды наурыз айында шағын кемелердің көмегімен миналаған. Бұл АҚШ пен Израиль елге қарсы қарулы қақтығыс бастағаннан кейін болған. Қазіргі уақытта бұғаздағы мұнай танкерлері мен басқа да кемелердің қозғалысы іс жүзінде толық тоқтаған.

Бұл жағдай энергия тасымалдаушылар бағасының күрт өсуіне әкеліп, Иранға соғыс пен келіссөздер барысында қысым жасау тетігін беріп отыр. Сонымен қатар, Иран төлем жасауға дайын кемелер үшін өтуді ашық қалдырғаны да атап өтілді.

Бұған дейін АҚШ вице-президенті Джей Ди Вэнстің Иранмен келіссөздер жүргізу үшін Исламабадқа келген болатын.

Алайда, АҚШ пен Иран келіссөздерді уақытша тоқтатты. Бітімгерлік келісім аяқсыз қалды. АҚШ пен Иран Исламабадтағы келіссөздерде соғысты тоқтату туралы келісімге келе алмады, Вэнс Пәкістаннан ұшып кетті.

АҚШ вице-президенті Джей Ди Вэнс Исламабадта өткен келіссөздерден кейін АҚШ пен Иран келісімге келе алмағанын мәлімдеді. Оның айтуынша, Иран АҚШ шарттарын қабылдаудан бас тартқан, соның ішінде Вашингтон Тегеран тарапынан ядролық қару жасамау жөнінде «негізгі міндеттемені» көрмеген.

Оқи отырыңыз:

• Бітім бе, шатасу ма? АҚШ пен Иран келіссөздері үш түрлі жоспарға бөлініп кетті
• Бітім қыл үстінде: Израиль соққыларынан кейін Иран Ормуз бұғазын қайта жапты
• Иран мен АҚШ арасындағы бітімгерлік келіссөздер өте ме?
• АҚШ пен Иран келіссөздерді уақытша тоқтатты: Бітімгерлік келісім аяқсыз қалды