Тағы да Талғар: Ер адамды тауға апарып ұрып 10 млн теңге бопсалаған

Алматы облысының Талғар ауданында 28 жастағы ер адамды пышақпен қорқытып, тауға алып кетіп 10 млн теңге талап еткен қылмыстық топ құрықталды, деп хабарлайды Orda.kz.

Талғар ауданында бопсалап, қарақшылық шабуыл жасады деген күдікпен бір топ адам ұсталды. Оқиға 16 сәуірден 17 сәуірге қараған түні болды. 28 жастағы ер адамға күш қолданып, пышақпен қорқытып, таулы аймаққа алып кетіп, аяусыз ұрған.

Алматы облысының полиция департаменті баспасөз қызметінің айтуынша, күдіктілер алдын ала жоспарланған схема бойынша әрекет етіп, 28 жастағы ер адамды айдалаға алдап апарған. Кейін пышақпен қорқытып, күш қолданып, оған пышақ жарақатын салған екен.

«Полиция  бопсалау және қарақшылық шабуыл жасады деген күдікпен бір топ адамды ұстап, уақытша ұстау изоляторына қамады. Жәбірленушінің заңсыз әрекеттері туралы құқық қорғау органдарына хабарлаймыз деп қорқытып, күдіктілер одан 10 млн теңге талап еткен, ал шамамен 17 млн теңге тұратын автокөлігін кепіл ретінде алып қойған», – деп мәлімдеді полиция. 

Қазіргі уақытта сотқа дейінгі тергеу амалдары жүргізілуде, оқиғаның барлық мән-жайы анықталуда. 

Оқи отырыңыз:

• Павлодарда кәсіпкердің өліміне 84 миллион теңге қарыз себеп болған
• Перизат Қайратпен байланысы бар: Бірнеше құрылыс компаниясын басқарған Мөлдір Сүйіншәлі үйқамақта
• Сотталған блогер Жанәбіловтер амнистияға ілінуі мүмкін