Соққыдан аударылды: Алма-Арасан шатқалында жол апатынан бірнеше адам зардап шекті

Алма-Арасан шатқалында Toyota RAV4 пен Hyundai Accent автокөліктерінің қатысуымен ауыр жол-көлік оқиғасы болды. Апат салдарынан Toyota көлігінің жүргізушісі және екі көліктегі жолаушылар зардап шекті, деп хабарлайды Orda.kz.       

Алдын ала мәлімет бойынша, Hyundai қарсы қозғалыс жолағына шығып кетіп, сол жерде Toyota көлігімен соқтығысқан.

Соққы әсерінен Toyota RAV4 жол жиегіне ығысып кеткен, ал Hyundai Accent аударылып, жолдан шығып кетіп, ағашқа және газ құбырының тірегіне соғылған.

Апат кезінде Hyundai көлігін кімнің басқарғаны әзірге анықталған жоқ. Оқиға куәгерлері мен қатысушыларының айтуынша, көліктегілер бір-біріне қарама-қайшы түсініктеме беріп, жауапкершіліктен бастарын ала қашып, рөлде басқа адам болғанын айтқан.

Жүргізушінің кім екенін анықтау үшін оқиға орнына криминалист барған. Жол апатының мән-жайы анықталып жатыр.

Оқи отырыңыз:

• Алматы – Қорғас тасжолындағы жантүршігерлік жол апаты: Тағы бір адам жан тапсырды
• Жетісу облысындағы тасжолда түнгі жол апаты болып, бес адам қаза тапты
• Алматы – Ташкент жолында мотор майын тасымалдаған жүк көлігі аударылып, өртенді