Алматы – Ташкент жолында мотор майын тасымалдаған жүк көлігі аударылып, өртенді

Алматы – Ташкент жолында мотор майын тасымалдаған жүк көлігі аударылып, жол-көлік оқиғасы салдарынан жүк көлігі мен төгілген жанар-жағармай материалдары өртенді, деп хабарлайды Orda.kz.       

 Жамбыл облысында Төтенше жағдайлар департаменті қызметкерлері жүк көлігі қатысқан жол апатынан кейін шыққан өртті сөндірді.

Оқиға Жуалы ауданында, Алматы – Ташкент автожолының 560-шақырымында Нұрлыкент ауылының маңында болған. Алдын ала мәлімет бойынша, мотор майын тасымалдаған жүк көлігі аударылып қалған. Апаттан кейін көліктің өзі де, төгілген жанар-жағармай материалдары да отқа оранған.

«Оқиға орнына ТЖД күштері мен құралдары жедел түрде жіберілді. Өрт сөндірушілер жеткен кезде жүк көлігі мен төгілген жанар-жағармай материалдары ашық жалынға оранған болатын. ТЖД қызметкерлерінің жедел әрі кәсіби әрекеттерінің арқасында өрт қысқа мерзімде сөндірілді», – деп хабарлады министрлік. 

ТЖМ мәліметінше, оқиға салдарынан зардап шеккендер жоқ.

Оқи отырыңыз:

• Алматыда курьер тыйым салынған вейп тасып жүргенін білмеген
• Сербия президенті Александр Вучич қызметтен кететінін мәлімдеді
• Ажырасқандардың жеке сот орындаушы ақысын екі жақтап төлеуі — Конституцияға қайшы