СҚО-да мұғалімдерге 22 млн теңгеден астам іссапар шығындары төленбеген

Солтүстік Қазақстан облысында мұғалімдер біліктілік арттыру курстарына барған кезде жол шығындарын өз қалтасынан төлеуге мәжбүр болған. Оларға жалпы 22 миллион теңгеден астам қаражат төленбегенін өңірлік прокуратура мәлімдеді, деп хабарлайды Orda.kz.      

 «Талдау барысында Қазақстан Республикасы Еңбек кодексі талаптары бұзылғаны анықталды. Атап айтқанда, заңда көзделген төлемдер қызметкерлерге төленбеген. Тайынша және Уәлиханов аудандары білім бөлімдері Кодекстің 52-бабы талаптарына қайшы 215 мұғалімге біліктілік арттыру курстарынан өтуге қатысты іссапар шығындарын өтемеген. Жалпы төленбеген қаражат 22,3 миллион теңге» деп жазылған хабарламада. 

Прокурорлық қадағалау актілері бойынша кінәлі лауазымды тұлғалар заңда белгіленген жауапкершілікке тартылды. Қазіргі таңда 128 қызметкерге 10 миллион теңге көлемінде төлем өтелген. Қалған қызметкерлердің бұзылған құқықтарын қалпына келтіру жұмыстары жалғасып жатыр.

Оқи отырыңыз:

• Алматыда жаңа мектептің қазақ тілінде ашылуын талап еткен мұғалім қамауға алынды
• «Әр бал үшін 7 мың теңге»: Ақтөбеде оқушыларға «ҰБТ-ны оңтайластырған» мұғалім сотталды
• Қарағандыда 15 жастағы қызбен неке қиған мұғалім 17 жылға бас бостандығынан айырылды