Қарағандыда 15 жастағы қызбен неке қиған мұғалім 17 жылға бас бостандығынан айырылды

Қарағанды облысында 15 жастағы қызға қатысты зорлық жасаған 38 жастағы ер адамға сот үкімі шықты, деп хабарлайды Orda.kz.

Оқиға 2025 жылдың ақпан айында Абай ауданында болған. Жәбірленушінің анасы мен өгей әкесі оны 1987 жылы туған ер адамға шариғат заңымен тұрмысқа берген.

Сотталушы жалдамалы пәтерде тұрып, қыздың жастығын біле тұра бірнеше рет зорлық жасаған. Айыптаушы тарап сотталушыны 17 жылға бас бостандығынан айыруды сұрады. Сот сотталушыны кінәлі деп танып, 17 жылға бас бостандығынан айырды.

Сондай-ақ оған мұғалім болуға немесе кәмелетке толмағандармен қарым-қатынас жасайтын басқа салаларда қызмет етуге тыйым салынды.

Сонымен қатар, прокурор қылмыстың жасалуына байланысты жәбірленушінің анасы мен өгей әкесінің әрекеттерін тексеруге міндетті. Қыздың туған әкесі олардың да жауапқа тартылуын талап еткен. 

Сот шешімі әлі заңды күшіне енген жоқ.