Шымкентте «экономикалық тергеп-тексеру қызметкері» болып, қомақты қаржы алған адам ұсталды

ҚМА Шымкент қаласы бойынша департаменті өзін экономикалық тергеп-тексеру қызметі қызметкері ретінде таныстырған тұлғаның заңсыз әрекетінің жолын кесті, деп хабарлайды Orda.kz.      

Анықталғандай, 2025 жылғы қыркүйек айында азамат өзін  ЭТҚ қызметкері ретінде таныстырып, жергілікті компаниялардың бірінің басшысын алдап,  25 млн теңгесін иемденген.

Ол ақшаны медициналық мекемені тексеруге жататын субъектілер тізімінен шығарып беруге ықпал ету сылтауымен алынған.

Күдікті ұсталып, уақытша ұстау изоляторына қамалды. Сотқа дейінгі тергеп-тексеру жалғасуда.

Қазақстан Республикасы ҚПК-нің 201-бабына сәйкес өзге ақпарат тергеу мүддесіне байланысты жариялауға жатпайды.

Қаржылық мониторинг агенттігі азаматтарды сақ болуға, ақпаратты тек ресми дереккөздер арқылы тексеруге және алаяқтардың айласына алданбауға шақырады.

Оқи отырыңыз:

• Алматы әуежайында 11 келі гашиш майы тәркіленді
• 2026 жылғы әлем чемпионатында Қазақстан хоккейден Жапонияны 6:0 есебімен ойсырата жеңді
• Көкшетауда мотоцикл мінген адамнан 5 келіден астам марихуана табылды