2026 жылғы әлем чемпионатында Қазақстан хоккейден Жапонияны 6:0 есебімен ойсырата жеңді

Қазақстан Жапонияны ойсырата жеңіп, хоккейден 2026 жылғы әлем чемпионатында қатарынан екінші рет жеңісіне жетті, деп хабарлайды Orda.kz.      

Қазақстанның хоккей құрамасы осы күндері Польшада өтіп жатқан әлем чемпионатының Бірінші дивизионындағы екінші матчта Жапониямен кездесті.

Бірінші кезеңде есеп ашылған жоқ.

Ал екінші кезеңде Қазақстан құрамасы қарқынын үдетіп, үш шайба соғып, жалпы жеңіске берік негіз қалады. Гол авторлары — Дінмұхамед Қайыржан, Ансар Шайхмедденов және Дмитрий Бреус.

Үшінші кезеңде біздің хоккейшілер толық басымдық танытып, жапон құрамасының қақпашысын тағы үш рет қапы қалдырды. Бұл жолы Әлихан Әсетов, Роман Старченко және Кирилл Ляпунов көзге түсті.

Қорытынды есеп — 6:0. Қазақстан Польшадағы іріктеу әлем чемпионатында қатарынан екінші жеңісіне қол жеткізді.

Бұған дейін Қазақстан Литваны 4:1 есебімен жеңген болатын, ал 5 мамыр күні сағат 22:30-да команда Польшаға қарсы ойнайды.

Сондай-ақ бұған дейін Қазақстан әйелдер арасындағы хоккейден әлем чемпионатында алғашқы жеңісіне қол жеткізгені хабарланған еді.

Оқи отырыңыз:

• Енді ұшақ бортында домбыра тасымалдауға болады
• Этносаралық «Алтын шаңырақ» айтысында неміс ұлтының өкілі тамаша өнер көрсетті
• Жұқпалы аурулар маманы: Екпе ауру қоздырады деген — қауесет