Шымкентте 1,7 млрд теңгенің негізсіз бюджет шығындары анықталды

Шымкент қаласының прокуратурасы негізсіз жоспарланған бюджет шығындарын 1,7 млрд теңгеге қысқартты, деп хабарлайды Orda.kz.      

Шымкент қаласының прокуратурасы жүргізген талдау нәтижесінде мемлекеттік қаражатты жоспарлау және пайдалану барысында заңбұзушылықтар анықталды.

Анықталғандай, бір шағын ауданда инженерлік инфрақұрылым салу жобасын іске асыру кезінде бюджет қаражаты тиісті негіздемесіз қарастырылған. Аталған аумақта тұрғын үйлер, халық және қажетті құрылыс болмаған, бұл инженерлік желілерді жүргізуге нақты қажеттіліктің жоқтығын көрсетеді.

Сонымен қатар, жер учаскелерінің бір бөлігі бөлінбеген, жобалық-сметалық құжаттама нақты жағдайға сәйкес келмеген, ал жобаны қазіргі жағдайда жүзеге асыру мерзімінен бұрын әрі экономикалық тұрғыдан тиімсіз болған. Прокурорлық қадағалау актісі бойынша қаржыландыру параметрлері қайта қаралып, қосымша келісім жасалды. Бұл 1,7 млрд теңге көлемінде шығындарды қысқартуға мүмкіндік берді.

Нәтижесінде бюджет қаражатын тиімсіз пайдалану фактісінің алдын алу қамтамасыз етілді.

Оқи отырыңыз:

• Шымкентте автогаз табу – нағыз сынаққа айналды 
• Шымкентте «алма бақтары» арқылы 430 млн теңге жымқырылған
• Шымкент әкімі алаяқтардың «құрбаны» болды