Шымкентте «алма бақтары» арқылы 430 млн теңге жымқырылған

Шымкентте интенсивті алма бақтарын құру және дамытуға арналған мемлекеттік бағдарлама аясында бөлінген бюджет қаражатын жымқырған қор басшысы анықталды, деп хабарлайды Orda.kz. 

«Ауыл шаруашылығын қаржылай қолдау қоры» АҚ Интенсивті алма бақтарын дайын күйінде тапсыру бағдарламасын қаржыландырған. 

Тергеу амалдарына сай, қордың бұрынғы басқарма төрағасы Ж.Д.Омаров байланысы бар тұлғалар арқылы мемлекеттік қаражатты жымқыру схемасын ұйымдастырған. Жабдықтардың, материалдардың және құрылыс-монтаж жұмыстардың құны жасанды түрде көбейтіп көрсетілген. 

Соған қарамастан, жалған қабылдау-тапсыру актілері рәсімделіп, солардың негізінде бюджет қаражаты аударылған.

Нәтижесінде мемлекетке 430 млн теңгеден астам сомаға залал келтірілген.

Сонымен қатар, агроөнеркәсіпті мемлекеттік қолдау шеңберінде бөлінген инвестициялық субсидияларды заңсыз алу қылмысы да анықталды.

Шотқа жалпы сомасы 327 млн теңгеден астам бюджет қаражаты аударылған.

Алайда нақтысында көрсетілген мақсаттарға қаражаттың тек шамамен 20%-ы ғана жұмсалып, қалған бөлігі 250 млн теңгесі жымқырылған. Күдікті Ж.Д.Омаров қамауға алынды. Қылмыстық іс сотқа жолданды.

Оқи отырыңыз:

• FlyArystan Дубайға ұшатын рейстерін жаз бойы тоқтатты
• Танымал актер, режиссер Есмұхан Обаев өмірден өтті