Шетелдіктер үйінде жатып-ақ заңсыз түрде Қазақстан ЖСН-ін рәсімдеген

Астанада шетел азаматтарына жеке сәйкестендіру нөмірін заңсыз рәсімдеу схемасы әшкереленді. Бұл туралы Қаржылық мониторинг агенттігі мәлімдеді, деп хабарлайды Orda.kz.       

Заң бойынша шетелдіктер ЖСН-ды тек Қазақстан аумағында жеке өзі келіп, міндетті биометриялық сәйкестендіруден өткен жағдайда ғана ала алады.

Алайда агенттік мәліметінше, 2024–2025 жылдары шетел азаматтарына ЖСН-ды қашықтан рәсімдеуге мүмкіндік берген заңсыз схема ұйымдастырылған.

Клиенттер әлеуметтік желілердегі арналар арқылы тартылған. Тергеу нұсқасына сәйкес, бұл схемаға Астана қаласындағы Азаматтарға арналған үкімет мемлекеттік корпорациясы филиалының қызметкерлері қатысқан.

Олар ХҚКО-ның ақпараттық жүйесіне жалған мәліметтер енгізіп, ЖСН алуға қатысты жалған өтінімдер рәсімдеген.

Схемаға қатысушыларға ақша делдалдар арқылы беріліп отырған.

Қылмыстық іс сотқа жолданды.

Оқи отырыңыз:

• Қазақстанда шетелдіктерге ЖСН беру тоқтатылды
• Неліктен ресейліктер ЖСН-нен айырылды және бұған Freedom-ның қатысы бар ма - ІІМ жауабы
• Еңбек шартын дұрыс жасамаған жұмыс берушілерге айыппұл салынады