Әл-Фарабидегі жол апаты: Zeekr жүргізушісінен неге әлі жауап алынбады?

Әл-Фарабидегі қанды жол апаты ісінде күтпеген өзгеріс болды. Жәбірленушілердің адвокаты ауысып, соның салдарынан Александр Пактың жауабы кейінге қалдырылды, деп хабарлайды Orda.kz.

Бүгінгі сот отырысында жәбірленуші тараптың жаңа адвокаты қылмыстық іс материалдарымен толық танысу үшін процесті кейінге қалдыруды сұрады. Прокурор да, қорғау тарабы да бұл өтінішке қарсылық білдірген жоқ. Нәтижесінде сот өтінішті қанағаттандырып, келесі отырысты 15 маусымға белгіледі.

Айта кетейік, күні кеше осы істе жәбірленуші Ләззат Тілемісованың қорғаушысы болған Олег Чернов өз қорғауындағы адамдар қызметінен бас тартқанын мәлімдеген еді. Ал  Черновтың орнына жаңа қорғаушы Гүлмира Бабажанова  келді. Негізі бүгінгі сот отырсында куәгерлер мен Александр Пактың жауабы алыну керек болған.

Оқи отырыңыз:

• Әл-Фарабидегі жол апаты: Пакқа кешірім берген отбасылар саны тағы да толықты
• Әл-Фарабидегі жол апаты: Куәгерлердің бәрі Пактың ішімдік ішкенін көрмегенін айтты